يناقش كتاب اكتشف/Discover في أخر جزء المياه والسحب؛ ثم يعرض خريطة مصر
لكن رأيت أنه لا يمكن مناقشة هذا الجزء إلا بعد أن يتعرف أطفالي على هذا العالم الخارجي ويدركوا معنى الفضاء والسماء والكوكب، فكان نهج منتسوري هو الدواء كالعادة :) منهج منتسوري فيه خمس دروس يشار إليهم على أنهم
الخمس دروس العظيمة
The Five Great Lessons
هذه الدروس تقدم كل عام للطفل بدايةً من 6 سنوات، لكن في استوعبوها وهم خمس سنوات، وكل سنة ممكن نزود معلومة جديدة على ما تم دراسته في العام السابق
أول درس هناخده هو نشأة الكون
هناخد أطفالنا كده ونتأمل في السماء فيها نجوم وقمر والصبح شفنا سحب
طب هل النجوم دي قريبة ولا بعيدة؟
والقمر ليه شكله بيتغير؟
والسحب بتمشي في السماء؟
في طريقنا للإجابة على كل الأسئلة دي عرضت عليهم فيديو بسيط جدًا يفهموا منه فكرة الكون لأستاذ أحمد الشقيري
كده قدرت أوصل لهم فكرة ماذا يوجد في السماء التي نراها وما بعدها
دخلنا في سؤال تاني
هو الكون الواسع ده بدأ ازاي؟
الله سبحانه وتعالى هو من خلق هذا الكون للإنسان
في نظريات كتير حاولت تعرف الكون ده بدأ ازاي
أشهرهم نظرية
الإنفجار العظيم
Bing Bang Theory
الكون الواسع ده كان عبارة عن نقطة حرارتها مرتفعة جداااااااااااااا
فبدأت النقطة دي توسع وكل ما توسع كل ما درجة الحرارة تقل وتبرد حتى تشكل الكون بالشكل الحالي
طبعًا الموضوع فيه تفاصيل كتير لكن خلينا في القشور دي مش عايزين أكتر من كده في المرحلة الحالية
بعض الفيديوهات المساعدة في الشرح
الموقع ده جميل جدًا هنخليه معانا كده خلال السنوات القادمة، إنما حاليًا هنوضح بس تمدد الكون بالصورة الموضحة في الموقع ازاي كان الكون نقطة صغيرة وبدأ يكبر
ده موقع ناسا بيشرح النظرية بشكل بسيط جدا للأطفال
ليست هناك تعليقات:
إرسال تعليق