الدرس الثاني من سلسلة تأسيس الطفل في اللغة الإنجليزية
نبدأ الدرس الثاني
Letter B b
أولًا نكون مجهزين البطاقات التالية هنطبعها من أي مكتبة ونغلفها
نبدأ ببطاقة letter Bb ونقول اسم الحرف للطفل
ونحكي قصة letter B
في يوم من الأيام ذهب أحمد ونادر إلى النادي وهناك قابلا صديقهم مروان ودعاهم إلى اللعب معه بالكرة باستخدام المضرب ثمر راحوا يضربوا الكرةة باستخدام المضرب بكل قوتهم (هو ده الأكشن الخاص بالحرف، نلوح بأيدينا يمينًا ويسارًا كأن معنا مضرب)
*ياريت اللي تقدر تحكي القصة بالانجلش يكون أفضل
*ياريت اللي تقدر تحكي القصة بالانجلش يكون أفضل
- نضع بطاقة تلو الأخرى مع ذكر صوت الحرف والكلمة المذكورة في البطاقة،
بالشكل المذكور في التسجيل ده
* هتلاقوا في أخر الشرح فيديو فيه الأكشن الخاص بالحرف :)
* ملحوظة: ياريت تسمعوا صوت حرف B قبل الشرح وتتفرجوا على حركة الحرف عشان هنحتاجهم طول ما احنا بنشرح لولادنا
* البطاقات المستخدمة في الشرح
(طريقة تحميل الصور لطباعتها: تقف بمؤشر الماوس على الصورة ثم تضغط كليك يمين ثم save image as)
الفيديو ده مجمع actions الخاصة بكل الحروف تقريبًا هتلاقوا action of letter B b في الثانية 53
طيب ايه هو صوت B b؟
الفيدويوهات التالية بتقدم صوت Letter B b
وده فيديو بيعرض أكثر من أغنية من منهج جولي فونكس نشغل بس أغنية حرفB b ونوقفه هي كمان مرتبطة بالقصة اللي ذكرناها فوق لإنها من نفس المنهج
Jolly Phonics
ده درس letter B b من سلسلة حلوة جدًا بشرح الحرف والكلمات في صورة قصة
Story of Letter B
ودي بعض الشيتات الخاصة بالحرف هتلاقوها متنوعة بين الكتابة وبين تحسين مهارات الكتابة
أول شيت بيطلب من الطفل وضع دائرة حول الصورة التي تبدأ بحرف Bb
أتمنى يكون الشرح بسيط وأكون قدرت أوصله بشكل واضح، لو في أي أسئلة اكتبوها في التعليقات على الفيس بوك أو المدونة وهرد عليكم إن شاء الله
ياريت تبدأوا مع الولاد وتقولولي لو في أي صعوبات واجهتكم
ليست هناك تعليقات:
إرسال تعليق